இந்தியாவின் எரிபொருள் பாதுகாப்பை அதிகரிக்கவும், கச்சா எண்ணெய் இறக்குமதியை குறைக்கவும், விவசாயிகளின் வருமானத்தை உயர்த்தவும் Ethanol Blended Petrol (EBP) திட்டம் மத்திய அரசால் செயல்படுத்தப்படுகிறது.
இந்த திட்டத்தின் கீழ் பெட்ரோலில் எத்தனால் கலக்கப்படுகிறது.
E10 பெட்ரோலில் 10% எத்தனால், E20 பெட்ரோலில் 20% எத்தனால் கலந்து இருக்கும். இந்தியா 2030 இலக்கை விட முன்னதாகவே 2025-ல் 20% எத்தனால் கலப்பு இலக்கை அடைந்துள்ளது.
எத்தனால் பெரும்பாலும் கரும்பு மொலாசஸ் (Sugarcane Molasses) மூலம் தயாரிக்கப்படுகிறது. தற்போது சோளம், அதிகப்படியான அரிசி, சேதமடைந்த உணவு தானியங்கள் மற்றும் விவசாய கழிவுகளில் இருந்தும் எத்தனால் தயாரிக்கும் முயற்சிகள் அதிகரித்துள்ளன.
E20 திட்டத்தின் மூலம் 2014 முதல் இந்தியா சுமார் ₹1.4 லட்சம் கோடி அந்நிய செலாவணியை சேமித்துள்ளது. விவசாயிகளுக்கு சுமார் ₹1.18 லட்சம் கோடி வருமானம் கிடைத்துள்ளது. மேலும் சுமார் 832 லட்சம் மெட்ரிக் டன் CO₂ வெளியேற்றம் குறைந்துள்ளது.
ஆனால் E20 பெட்ரோல் குறித்து சில கவலைகளும் எழுந்துள்ளன. எத்தனாலின் ஆற்றல் அளவு பெட்ரோலை விட குறைவாக இருப்பதால் சில வாகனங்களில் மைலேஜ் குறையலாம். பழைய வாகனங்களில் ரப்பர், பிளாஸ்டிக், மெட்டல் பாகங்களில் பாதிப்பு ஏற்படும் வாய்ப்பும் உள்ளது.
மேலும் மக்கள் E10 அல்லது E20 போன்ற எரிபொருளை தேர்வு செய்யும் வசதி பெரும்பாலான பெட்ரோல் பங்குகளில் இல்லை என்பதும் விமர்சனமாக உள்ளது.
எதிர்காலத்தில் இந்தியா Flex-Fuel வாகனங்கள், 2G Ethanol தொழில்நுட்பம், விவசாய கழிவுகளில் இருந்து எரிபொருள் தயாரிப்பு போன்றவற்றில் கவனம் செலுத்த வேண்டியது அவசியமாகிறது.
நினைவில் கொள்ள வேண்டிய முக்கிய அம்சங்கள்:
• EBP – Ethanol Blended Petrol Programme
• நோக்கம் – எண்ணெய் இறக்குமதி குறைப்பு + விவசாய வருமானம் + குறைந்த மாசு
• E10 = 10% Ethanol
• E20 = 20% Ethanol
• இந்தியா E20 இலக்கை 2025-ல் அடைந்தது
• Ethanol capacity: 2014-ல் 2 Billion Litres → தற்போது சுமார் 20 Billion Litres
• CO₂ குறைப்பு – 832 லட்சம் மெட்ரிக் டன்
• Net Zero 2070 இலக்குக்கு உதவும் திட்டம்
0விருப்பங்கள்
0விருப்பமின்மைகள்
